أستأ\نك بسافر أيام واجييك وان طالت ايام السفر لاتحاتي..

..

حبيت اضع هذي
القصيده للشاعر حمدان المري

وأقول ابأستأذنك.......

أستـاذنـك بسـافـر أيــام واجـيــك
وان طالـت ايـام السـفـر لا تحـاتـي

حتـى و لـو طولـت مانـي مخلـيـك
ياللـي بدونـك ويـش تـسـوا حيـاتـي

تامـر علـى حاجـه؟؟ باودعـك واليـك
عسـى عـوض الأيـام فـي المقبلاتِـي

حتـى يـدي مـا ودهـا تفـارق يـديـك
ساكت وانا اشـوف البـلا فـي سكاتـي

ما شفتني لا رحـت منـك التفـت فيـك
بــلاي والله روحـتــي والتـفـاتـي

لكـن قبـل مــا اروح ودي أوصـيـك
وانـت الوحيـد اللـي يقـدر وصـاتـي

لاحدٍ سألـك و قـال لـك ويـن مغليـك
قـل لـه لــوازم لا قضـاهـا بيـاتـي

و أن طـروا النسيـان مانـي بناسـيـك
يـا راس مالـي فـي الحيـاة وغنـاتـي

و ان طـروا السلـوان مانـي بسالـيـك
طيفك معـي حتـى وانـا فـي صلاتـي

قلبـي وهـو قلبـي إذا مــر طـاريـك
لـولا ضلوعـي كـان عـزوا ممـاتـي

لو جـض صـدري كـان يمديـه ياتيـك
و يـبـات عـنـدك ويهـنـا بالمبـاتـي

أنا .. و قلبي .. و الغلا .. ساكـنٍ فيـك
و انته .. و قلبك .. و الغلا .. وسط ذاتي

غـلاك مثـل الحكـم عـنـد الممالـيـك
أكبـر طموحـي .. لا .. كـل أمنياتـي

شـف فـي غيابـي أي حاجـه تسلـيـك
لأنـي بعـدك أسلـى مــع ذكريـاتـي

أحــاول اذكــر أي شــيٍ يطـريـك
واقـول هـو سـوى وانـا ذي سواتـي

كنـي مـوادع كــل شــيٍ حوالـيـك
و كنـي حسبـت حسـاب حـزة وفاتـي

أحب لأنـي مـا اقـدر انسـاك و أبيـك
و لا اقـدر أخلـيـك يالـلـي تحـاتـي

معنى أحب .. و ما اقدر أنسى .. و أخليك
يعنـي بدونـك ويـش تـسـوا حيـاتـي

لــــــــ حمدان المري

$أستأ\نك بسافر أيام واجييك وان طالت ايام السفر لاتحاتي.. F9$

قصيدة رائعة ومعانيها أروع..
شكرا لك

تسلمين يعطيك العافيه ‏

شاكره مروركم تسلمون